Новости
Сите уплати во врска со вонредното школување на учениците се вршат на сметката на училиштето на образец ПП50.
Назив и седиште на примач: СУГС “Владо Тасевски” – Скопје
Трансакциска сметка: 100000000063095
Сметка на буџетски корисник –единка корисник: 7850111088 787 10
Приходна шифра и програма: 723012 N2 – уплата за година
723013 N2 – уплата за испит
Почитувани ученици и родители/старатели,
Ве известуваме дека согласно точка (2) од Заклучокот со дел. број 44-2147/1 од 10.03.2020 година од петнаесеттата седница на Владата, одржана на ден 10.03.2020 година, се прекинува воспитно - образовниот процес и наставата во сите детски градинки, центри за ран детски развој, дневни центри, основни и средни училишта, во наредните 14 дена.
Врз основа на погоренаведеното, Ве известуваме дека наставата е прекината и во училиштето, а за сите дополнителни активности благовремено ќе бидете известени.
Со почит
Почитувани колеги, ученици, родители, соработници и пријатели
Денес е Патрониот празник на нашето училиште, ден кој вообичаено е празничен и предвиден за средби и другарување со сите вас. Ние и годинава се подготвувавме за едно незаборавно празнување и се радувавме што ќе бидеме домаќини на сите наши пријатели и соработници. Околностите наложуваат да го одложиме празнувањето, да останеме дома и на тој начин да дадеме свој придонес во заштитата на нашето здравје и здравјето на сите наши луѓе. Ние го прифативме предизвикот, ги почитуваме препораките од надлежните институции и работиме секој од својот дом. На нашиот блог за едукација и обука УЧИ ОД ДОМА ќе бидат постирани наставни содржини по сите предмети, а колегите во комуникација со учениците ќе ги дадат сите потребни упатства за полесно и подобро усвојување на наставните содржини. Искрено веруваме дека наскоро сè ќе се среди и ќе се вратиме на свој терен - во нашите училници.
За учениците потсетување да го посетат нашиот блог за едукација и обука УЧИ ОД ДОМА и порака да бидат одговорни и полезно да го искористат слободното време.
Уште еднаш ве поздравувам и ви пожелувам добро здравје! Сега тоа е најважно!
Се што треба да знаете, а се однесува на овогодинешните уписи е содржано тука. Во овие 5 минути ќе најдете 50 причини зошто да станете дел од нашиот тим!
СУГС Владо Тасевски - еднаш ученик, засекогаш пријател!
Почитувајте ги препораките ученици! Да бидеме сите општествено одговорни.
Драги наши ученици,
Согласно измените на Календарот за организација на учебната 2020/2021 година во јавните средни училишта ( Службен весник на Република Северна Македонија бр. 209 од 27.8.2020 ), Ве известуваме дека учебната 2020/2021 година започнува на 1 Октомври 2020 година.
Сообраќајна струка I-1, I-2 и I-10
Електротехничка струка I-3, I-4, I-5 и I-6
Машинска струка I-7, I-8 и I-9
Класни раководители на прва година
